Ռուսաստանը Լեռնային Ղարաբաղի հարցով համաձայնագրի ստորագրման գործում իրականացրել է միայն միջնորդի դեր և պարտավորություն է ստանձնել կողմերի խաղաղ բաժանման հարցում: Այս մասին հայտարարել է Ռուսաստանի նախագահ Վլադիմիր Պուտինը «Ռոսիա 1» հեռուստաալիքի եթերում:
«Ռուսաստանն իրականացրել է միայն միջնորդի դեր, և այդ փաստաթղթով իր վրա է վերցրել կողմերի խաղաղ բաժանումն իրականացնելու պարտավորությունը: Ինչը մենք հիմա անում ենք»,- հայտարարել է Պուտինը:
Նա ընդգծել է, որ եռակողմ հայտարարության հեղինակները երեք կողմերն են՝ Ռուսաստանը, Հայաստանը և Ադրբեջանը:
«Ինչ վերաբերում է բուն տեքստին, ապա մենք դա արել ենք երեքով. Ես, բնականաբանար, նախագահ Ալիևը և վարչապետ Փաշինյանը: Այլ կերպ հնարավոր չէր, քանի որ, ըստ էության, դա պայմանավորվածություն էր երկու կողմերի միջև»,- ասել է Պուտինը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
