«Գելլափ Ինթերնեյշնլ»-ի՝ 501 քաղաքացիների շրջանում նոյեմբերի 17-ին անցկացրած հեռախոսային հարցումը արձանագրել է, որ պատերազմի ընթացքում Հայաստանի եւ Արցախի առաջին դեմքերի եւ պետական պատասխանատու գործիչների աշխատանքի գնահատականը հանրության շրջանում նկատելիորեն նվազել է:
Մասնավորապես, ՀՀ վարչապետ Նիկոլ Փաշինյանի գործունեության գնահատականը 5 բալանի համակարգով նոյեմբերի 18-ի դրությամբ նվազել եւ դարձել է 3,4:
Հարցին, թե հայտարարության ստորագրումից հետո ընդդիմության եւ հասարակության մի ստվար հատված պահանջում է Նիկոլ Փաշինյանի հրաժարականը, նախորդ հարցման 35,2 %-ի փոխարեն դրական պատասխանել է 42,1 %-ը: Իսկ վարչապետի պաշտոնավարման շարունակությանը կողմ անձանց թիվը 48,1 %-ից իջել է 44,3 %:
Հարցմանը մասնակցած քաղաքացիների 79,6 %-ը համարում է, որ ռազմաքաղաքական մակարդակում օգնություն Հայաստանը կարող է ստանալ Ռուսաստանից, 49,3 %-ը գտնում է, որ Ռուսաստանը Հայաստանի դաշնակիցն է իսկ 62,3 %-ը համարում է, որ դժվար պահին աջակցության համար կարելի է դիմել Ռուսաստանին:
Կարդացեք նաև
Հետազոտությունն ամբողջությամբ. Պատերազմ-27.09.2020-5
Աշոտ ՀԱԿՈԲՅԱՆ
