Ռուս սահմանապահները «հայկական կողմի խնդրանքով» լրացուցիչ ուժեր կտեղակայեն Հայաստանի և Ադրբեջանի սահմանին: Այս մասին հայտարարել է Ռուսաստանի Անվտանգության Դաշնային Ծառայության տնօրեն Ալեքսանդր Բորտնիկովը:
«Համաձայն ընդունված որոշման՝ Հայաստանի Հանրապետության սահմանային անվտանգության ապահովման նպատակով Լեռնային Ղարաբաղում խաղաղության պահպանման միջոցառումների շրջանակում հայկական կողմի խնդրանքով Անվտանգության Դաշնային Ծառայության Սահմանային վարչությունը Հայաստանի Հանրապետությունում առանձնացրել է լրացուցիչ ռեզերվ՝ 188 զինծառայող և անհրաժեշտ թվով տեխնիկա: Սահմանապահները լրացուցիչ ուժեր կտեղակայեն Հայաստանի և Ադրբեջանի սահմանին… Ադրբեջանական կողմին տեղեկացվել է այդ մասին, գործընկերների հետ անհրաժեշտ գործակցությունը կազմակերպված է»,- ասել է Բորտնիկովը ԼՂ-ի շուրջ Ռուսաստանի նախագահ Վլադիմիր Պուտինի հետ խորհրդակցությանը:
Պատրաստեց՝ Վիկտորյա ԱՆԴՐԵԱՍՅԱՆԸ
