ԱԺ լիագումար նիստում այսօր կրքերը կրկին թեժացան, երբ «Բարգավաճ Հայաստանի» պատգամավոր Միքայել Մելքումյանն ամբիոնից վրդովված հայտարարեց, որ պարտված ղեկավար Նիկոլ Փաշինյանը չի կարող բանակցել, չի կարող խոսել Ռուսաստանի հետ. «Դրա համար ասում եմ՝ հիմա այսօր դուք միակ կառավարության անդամ նախարարն եք, պարոն Ջանջուղազյան, կմոտենաք այս ամբիոնին, Դուք միայն նախարար չեք, այլ քաղաքական գործիչ, եւ հրաժարական կներկայացնեք: Պաշտոնյաները, նախարարները շարքով պետք է հրաժարական տան: Եկել նստել եք՝ բյուջե եք ասում: Հենց հիմա եկեք հրաժարականը կարդացեք ու գնացեք»:
Դահլիճում փոխադարձ բղավոցներ լսվեցին: Բյուջեի նախագիծը զեկուցելու մեկնարկին ֆինանսների նախարար Ատոմ Ջանջուղազյանը պատասխանեց Միքայել Մելքումյանին. «Սկզբում անդրադառնամ կոչին, հորդորին, թե հանձնարարությանը, կդժվարանամ բնորոշել…ես հավատարիմ եմ մնալու իմ երդմանը եւ բարեխղճորեն կատարելու եմ իմ պարտականությունները»:
Կարդացեք նաև
Լուիզա ՍՈՒՔԻԱՍՅԱՆ
