Թուրքիայի նախագահ Ռեջեփ Էրդողանի հրամանը՝ Ադրբեջան թուրք զինվորականներ ուղարկելու վերաբերյալ ուղարկվել է Թուրքիայի խորհրդարանի քննարկմանը: Այս մասին հայտնում է Anadolu-ն:
«Թուրք զինվորականները կներգրավվեն Լեռնային Ղարաբաղում կրակի դադարեցման ռեժիմի վերահսկման նպատակով՝ Ռուս-թուրքական համատեղ մոնիթորինգի կենտրոնի շրջանակում», – ասվում է հաղորդագրության մեջ:
Ենթադրվում է, որ խորհրդարանը հարցը կքննարկի առաջիկա օրերին:
Պատրաստեց՝ Վիկտորյա ԱՆԴՐԵԱՍՅԱՆԸ
