Արցախի թեմի առաջնորդ Պարգեւ սրբազանն ունի առողջական խնդիրներ եւ պետք է մեկնի արտերկիր բուժման: Լուրը Aravot.am-ի հետ զրույցում հաստատեց Մայր Աթոռի տեղեկատվական համակարգի տնօրեն տեր Վահրամ քահանա Մելիքյանը:
«Վերջին շաբաթների իրադարձություններն, անշուշտ, իրենց ազդեցությունն ունեցան եւ Պարգեւ արքեպիսկոպոս Մարտիրոսյանը, որը մինչ այդ որոշակի խնդիրներ ուներ, արձանագրվել է առողջության վատթարացում՝ սրտի հետ առնչված: Սրբազանն անհրաժեշտ բոլոր հետազոտություններն անցել է եւ ստուգումները ցույց են տվել, որ այո, հավանականությունը մեծ է, որ սրբազանն այդ օրերին տարել է սրտի կաթված եւ այդ առումով անհրաժեշտություն է նկատվում անհապաղ բուժումների, որոնք որ կկայունացնեն սրբազանի առողջական վիճակը,-ասաց Տեր Վահրամ Մելիքյանը՝ նշելով, որ՝ այո սրբազանը հարկադրված է մեկնել արտերկիր, որպեսզի բուժօգնություն ստանա եւ կարողանա բարվոքել իր առողջությունն ու վերադառնալ իր ծառայությանը:
Լուսինե ԲՈՒԴԱՂՅԱՆ
Լուսանկարը Հրայր Ավետիսյանի ֆեյսբուքյան էջից
