Երեւանի ընդհանուր իրավասության դատարանում դատավոր Ռոբերտ Պապոյանը քիչ առաջ որոշեց մերժել ՀՀԿ նախկին պատգամավոր Վահրամ Բաղդասարյանի խափանման միջոցը կալանավորումն ընտրելու քննիչի միջնորդությունը;
Հիշեցնենք, որ ԱԱԾ-ն իշխանության յուրացման եւ վարչապետի նկատմամբ մահափորձ կատարելու մեղադրանքներ էր առաջադրել մի շարք պաշտոնյաների, իսկ Վահրամ Բաղդասարյանը մեղադրվում է պետական, քաղաքական գործչի սպանության նախապատրաստման մեջ:
Երեկ փաստաբանն ասում էր, որ մեղադրանքն անհեթեթ է, իսկ հրապարակված ձայնագրության մեջ Վահրամ Բաղդասարյանը հանրահավաքի կազմակերպման մասին է խոսում:
Այսօր դատարանի որոշումից հետո Վահրամ Բաղդասարյանի փաստաբան Վահագն Գասպարյանը լրագրողներին ասաց. «Ձերբակալությունը ճանաչվել է ոչ իրավաչափ, նախաքննության մարմնի միջնորդությունը՝ կալանավորումը որպես խափանման միջոց ընտրելու վերաբերյալ մերժվել է, պարոն Բաղդասարյանն ազատության մեջ է: Զուտ մասնագիտական առումով եմ ասում, բոլոր կողմերի հետ կապված բարձր մակարդակի պրոֆեսիոնալ մասնագետների հետ նիստ էր դրա արդյունքում կայացավ օբյեկտիվ դատական ակտ»:
Կարդացեք նաև
Հռիփսիմե ՋԵԲԵՋՅԱՆ
