Իրավապաշտպան, հրապարակախոս Զառա Հովհաննիսյանը Ֆեյսբուքի իր էջում գրել է
Երկրում անկարգություններ և բռնություններ հրահրելը ամենավատ տարբերակն է, որն ընտրվել է ղեկավարության կողմից։ Նման ֆեյսբուքյան գրառումն այս ցավալի իրավիճակում ամենավտանգավորն է։ Երկրի վարչապետը սպասում է Արցախից վերադարձող զինված տղաներին, որպեսզի նրանց անմիջական մասնակցությամբ լուծի «պատերի տակ վնգստացողների հարցերը»։
Մնում է հուսալ, որ երկրի անվտանգությունը պահպանող մարմինները կգործեն իրենց ուսադիրների հանդեպ բարձր պատասխանատվությամբ և պատվով։ Այլ հույսեր այս պահին այլևս չունեմ։
