«Ստորագրություն չհեռանալու մասին խափանման միջոց է կիրառվել, ազատ են արձակել»,-Aravot.am-ի հարցին՝ իր հետ կատարվածն իրավական ի՞նչ փուլում է, այսպես պատասխանեց «Երկիր մեդիա» հեռուստաընկերության լրատվական-վերլուծական բաժնի տնօրեն Գեղամ Մանուկյանը:
Հիշեցնենք՝ նոյեմբերի 12-ին Երեւանում տեղի ունեցած բողոքի գործողություններից հետո, ի թիվս այլոց ձերբակալվել էր ՀՅԴ անդամ, «Երկիր մեդիա» հեռուստաընկերության լրատվական-վերլուծական բաժնի տնօրեն Գեղամ Մանուկյանը: Նոյեմբերի 13-ին Երեւան քաղաքի ընդհանուր իրավասության դատարանը ՀՅԴ անդամ Գեղամ Մանուկյանին ազատ արձակելու որոշում կայացրեց։ ՛
Գեղամ Մանուկյանը մեզ հետ զրույցում հայտնեց՝ չգիտի էլ՝ մեղադրանք առաջադրե՞լ են, թե ոչ, ու այս առիթով կարծիք հայտնեց. «Թեև հանուն Արցախի միտինգ անելու համար մեղադրանք առաջադրելը կարծում եմ հպարտություն է, մեկ էլ սովետի ժամանակ էր տենց մեղադրանք առաջադրվում Հայաստանում»:
Հետաքրքրվեցինք՝ ի՞նչ քննչական գործողություններ են իրականացվել, նա տեղեկացրեց. «Ուղղակի հանրահավաքի ճիշտ ժամին բոլորին կանչել էին հարցաքննության. Նիկոլ Փաշինյանի՝ այլևս բռնապետությունը հասել է այդ մակարդակի»:
Գեղամ Մանուկյանը կարծում է՝ ամեն հանրահավաքի կանչելու են հարցաքննության:
Կարդացեք նաև
Տաթև ՀԱՐՈՒԹՅՈՒՆՅԱՆ
