Արցախի նախագահի նախկին խորհրդական Տիգրան Աբրահամյանը ֆեյսբուքյան իր էջում գրում է.
Ուժային կառույցներ, իսկ ե՞րբ եք սկսելու զբաղվել երկիրը դավաճանողներով, Արցախը թորքին հանձնողներով։
Տղերք, դուք գրաճանաչ մարդիկ եք, բարձրագույն կրթությամբ, համոզված եմ, որ կարդացել եք հրապարակված ողբերգական փաստաթուղթը։
Ձեր անելիքը չեք տեսնո՞ւմ։ Ախր ձեր մեջ մեծ թվով պատվախնդիր սպաներ կան, ովքեր իմ նման, ինձանից շատ սիրում եք մեր մեծ հայրենիքը՝ Հայաստանն ու Արցախը։
Կարդացեք նաև
Արցախը ծանր վիրավոր է, Արցախը պետք է փրկենք։
Տղերք, ես այլևս չեմ քնում, իմ նման շատերը, իսկ դո՞ւք։ Համոզված եմ, որ նաև ձեր շարքերում գտնվողներից շատերը։
Խնդրում եմ՝ քաղաքական շոուի մաս մի դարձեք, հարգեք ձեր ուսադիրները, համազգեստը, գործեք ձեր երդմանը և օրենքին համաձայն։
Արցախն ու Հայաստանը անվտանգային լուրջ խնդիրների առաջ են և նաև ձեզանից է կախված, թե ինչպիսի կորուստներով դուրս կգանք այս շրջափուլից։ Խնդրում եմ՝ ողջամտությունը չկորցնենք։
