«Պետք է ամեն ինչ անի Փաշինյանը, որ անցնցում հեռանա: Փրկություն չկա, իր միակ փրկությունը նորից էս ժողովրդի նյարդերի հետ չխաղալն է»,- այսօր Ազատության հրապարակում հանրահավաքին իր ելույթում ասաց ՀՅԴ անդամ Արմեն Ռուստամյանը:
Նրա խոսքով՝ «Գոնե գլուխը կախ հեռանա Փաշինյանը: Նա չի պատկերացնում, թե ինչ մեծ վերք է հասցրել մեր ժողովրդին, մեր արժանապատվությանը, կոտրել է մեր ողնաշարը: Նա հիմա ուզում է գլխատի էս շարժումը, մարդկանց բռնել, լցրել է բանտերը: Հա ո՞ւմ ես վախացնում բանտերով, ինձ էլ բռնի, մյուսին էլ բռնի: Իբր հանրահավաք են արել, այ քեզ բան, բա որ էն ժամանակ ինչ ուզում, անում էիք, փողոցներ էիք փակում, տներն էիք մտնում, ասում էիք՝ ժողովուրդն է ուզում, բա էս ժողովուրդ չի՞: Ժողովուրդը թքած ունի ձեր կապանքների վրա»:
Ըստ Ռուստամյանի, վարչապետը հոգեկան անհավասարակշիռ անձնավորություն է: Ռուստամյանը հորդորեց մարդկանց Ազատության հրապարակը լցնել մարդկանցով, որ անցնցում ու սահուն ձեւով հարցը լուծվի. «Մենք կորցնելու ենք ամեն ինչ, իսկ Ղարաբաղը երբ կորավ, մենք մեր արժանապատվությունը չենք գտնի: Սա մեր արժանապատվության հարցն է, մեր պատիվն ու օջախը, մեր սրբությունը պահելու համար է»:
Նա հորդորեց վաղը նորից գալ հանրահավաքի՝ Ազատության հրապարակում. «Մեր հուժկու ներկայությամբ հնարավորություն կտանք, որ բոլոր հայերը արագորեն բերեն հանգուցալուծման՝ հեռացնելով վարչապետին, ձեւավորելով այնպիսի համաձայնության կառավարություն որ կարողանան այս ծանր վիճակից դուրս բերել»:
Կարդացեք նաև
Հռիփսիմե ՋԵԲԵՋՅԱՆ
