Լեռնային Ղարաբաղում զինադադարի պահպանումը հսկող ռուս- թուրքական մոնիթորինգի կենտրոնը կաշխատի հեռավար ռեժիմով՝ անօդաչուների կիրառմամբ: Այս մասին հայտարարել է Ռուսաստանի արտգործնախարար Սերգեյ Լավրովը:
«Կենտրոնը կաշխատի բացառապես հեռավար ռեժիմով, օգտագործելով օբյեկտիվ վերահսկման տեխնիկական միջոցներ, այդ թվում անօդաչուներ և այլ տեխնոլոգիաներ, որոնք թույլ կտան տեսնել իրավիճակը Լեռնային Ղարաբաղի հողում, առաջին հերթին շփման գծում, և որոշել՝ կողմերից որն է հետևում և որը կարող է խախտել կրակի և բոլոր ռազմական գործողությունների դադարեցման պայմանները»,- ասել է Լավրովը:
Պատրաստեց՝ Վիկտորյա ԱՆԴՐԵԱՍՅԱՆԸ
