«Այս կապիտուլյացիոն փաստաթուղթը Հայաստանի ամենախայտառակ էջերից էր»,-ՀՅԴ գրասենյակում անցկացված մամուլի ասուլիսի ընթացքում հայտարարեց «Ազգային օրակարգ» կուսակցության անդամ Արա Գասպարյանը:
Նա վստահեցրեց՝ սա իշխանությունների հանձնման քաղաքականություն է, որը վարում են երկուսուկես տարի. «Մեր հայրենիքի հանձնումն այդ քաղաքականության կուլմինացիոն կետն էր, որն իրականացվել է բանակի, հանրության, քաղաքական ուժերի թիկունքում»:
Արա Գասպարյանը պնդեց՝ Նիկոլ Փաշինյանը և այսօրվա վարչակազմը պետք է հեռանան, քանի որ չունեն բարոյական իրավունք այլևս քաղաքական մեծամասնություն լինելու, երկիրը կառավարելու. «Նրանք ունակություններ, հմտություններ չունեն մեզ այս վիճակից դուրս բերելու համար: Մենք հիմա ծանր վիճակում ենք, բայց կան ելքեր: Ամենակարևորը, այս իրավիճակից դուրս գալուց հետո մենք պետք է մեր երկիրը տանենք նորացման և արդիականացման ճանապարհով: Նիկոլ Փաշինյանը և նրա ապիկար վարչակազմն ի վիճակի չեն դա անել: Նրանց խնդիրն այս ընթացքում հողերի հանձնումն էր, որի վերջին արարն իրականցվեց այս խայտառակ կապիտուլյացիոն պայմանագրով»:
Տեղեկացնենք՝ ասուլիսի ընթացքում ՀՅԴ գերագույն մարմնի անդամ Լիլիթ Գալստյանը հայտնեց՝ 17 կուսակցություններն այսօր երթ են կազմակերպում՝ ժամը 17.00-ին ՝ Մատենադարանի մոտից:
Կարդացեք նաև
Տաթև ՀԱՐՈՒԹՅՈՒՆՅԱՆ
