Նիկոլ Փաշինյանի ստորագրած տխրահռչակ հայտարարությունից հետո երբեմնի խիզախ իշխանականներն ընդհատակ են անցել կամ էլ զբաղված են իրենց առաջնորդին՝ վարչապետին, Ֆեյսբուքում աջակցություն հայտնելով։ Երեկ մեզ հաջողվեց կապ հաստատել «Իմ քայլի» պատգամավոր Հովիկ Աղազարյանի հետ, ով կորոնավիրուսով է վարակվել, ասաց, որ վատառողջ է, չի ուզում խոսել, բայց մի քանի հարցի, այնուամենայնիվ, պատասխանեց։
– Նիկոլ Փաշինյանն իր թիմի հետ խորհրդակցե՞լ է, որ նման բան է պատրաստվում ստորագրել։ Դուք համաձայնություն տվե՞լ եք։
– Ես գլխավոր շտաբի պետը չեմ, որ վարչապետն իր քայլերն իմ հետ համաձայնեցնի։
– Դուք իր թիմն եք, խորհրդարանական պետության պատգամավոր, դուք եք իրեն վարչապետ ընտրել։
Կարդացեք նաև
– Հիմա էլ եթե սխալ բան անի, կհանենք։
– Դուք կարծում եք, որ սխալ բան չի՞ արել Նիկոլ Փաշինյանը։
– Ես չեմ գտնում, որ Նիկոլ Փաշինյանը սխալ բան է արել։
– Մարդիկ ձեր հրաժարականն են պահանջում, ասեք, որ հրաժարական չեք տալու ու ճիշտ եք արել։
– Ասողն ասում է, ով պետք է, ասում է։
– Մեր երկրում մի հոգի՞ է ասողը։
– Շտաբի պետն էլ է ասել։
– Իսկ Դուք ի՞նչ եք ասում որպես պատգամավոր։
– Ես հլը մտածում եմ։
Լուսինե ՇԱՀՎԵՐԴՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում։
