Իրավիճակը շտկելու համար պետք է արձանագրել, որ.
– Պատերազմից առաջ, դրա ժամանակ և ավարտին իշխանությունը որևէ կերպ հաշվետու չի եղել ժողովրդին, մեկուսացել է, ուստի որոշումները չէին կարող բխել ժողովրդի շահերից;
– Ոչ իրավական, ոչ բարոյական առումով ՀՀ Վարչապետը չէր կարող ներկայացնել Հայաստանի, առավել ևս՝ Արցախի ժողովուրդներին և չէր կարող պայմանագիր ստորագրել նրանց անունից;
– Հետևաբար, փաստաթուղթն ապօրինի է, նաև այն առումով, որ այն չի քննարկվել նաև Ադրբեջանում, իսկ ՌԴ-ում առանց Դաշնության Խորհրդի համաձայնության՝ խաղաղապահ ուժերի վերաբերյալ որոշում չի կարող լինել;
Կարդացեք նաև
– Վարչախումբը մեկուսացել է և ապրում է վիրտուալ աշխարհում;
– Փաստացի անիշխանություն է:
Ստեղծված իրավիճակում կապիտուլյացիան չեղարկելու նպատակով կարևոր է, որ
– ՀՀ Վարչապետը ներկայանա ժողովրդին կամ ժողովրդի վստահությունը վայելող հավաքական ուժին՝ ներկայացնելու իր և իր թիմի հրաժարականը;
– ՀՀ Վարչապետի և ՀՀ Կառավարության փաստացի անգործության պայմաններում ՀՀ Ազգային Ժողովն արտահերթ նիստով պետք է որոշումներ կայացնի ստեղծված իրավիճակի, այդ թվում՝ ՀՀ Վարչապետին և վարչախմբին անվստահություն հայտնելու վերաբերյալ;
– ՀՀ Ազգային Ժողովի նիստ չգումարելու դեպքում գործում է ՀՀ Սահմանադրության 98-րդ հոդվածը, համաձայն որի Պատգամավորի լիազորությունները դադարում են նրան անգործունակ, անհայտ բացակայող ճանաչելու դեպքերում;
– Ձևավորվում է քաղաքացիական կամ ազգային խորհուրդ, որի կազմում պետք է ընդգրկվեն հանրության վստահությունը վայելող անհատներ, ինչպես նաև քաղաքական ուժերի ներկայացուցիչներ;
– Քաղաքացիական կամ ազգային խորհուրդը ձևավորում է Ժամանակավոր կառավարություն, որն իր առաջին որոշմամբ չեղյալ է հայտարարում կնքված պայմանագիրը և սկսում է նոր բանակցություններ արտաքին ուժերի հետ և ձևավորում է ռազմական խորհուրդ, որը ստանձնում է պատերազմական գործողությունների հետագա ընթացքի պատասխանատվությունը:
Թաթուլ ՄԱՆԱՍԵՐՅԱՆ
պրոֆեսոր
