Ինչպես տեղեկացրել ենք` ԱԱԾ էին եկել ԲՀԿ պատգամավորները՝ այցելելու բերման ենթարկվածներին, սակայն մոտ մեկ ժամ սպասեցնելուց հետո նրանց հետ հանդիպում այդպես էլ չեն կազմակերպել՝ ասելով, որ պատասխանատու պաշտոնյան ժամանակ չունի, զբաղված է եւ այլն:
Սակայն ԱԱԾ-ում որոշ բաներ պատգամավորներին հաջողվել է ճշտել: ԲՀԿ պատգամավոր Շաքե Իսայանը հայտնեց, որ այս պահին ՀՀ օմբուդսմեն Արման Թաթոյանն է ԱԱԾ-ում: Կփորձեն գոնե Թաթոյանի միջոցով տեղեկություններ ստանալ բերման ենթարկվածների մասին:
Շաքե Իսայանը նաեւ հայտնեց, որ ԱԱԾ-ից իրենց փոխանցել են, որ այսօր բերման ենթարկվածներից ոմանք գտնվում են ՀՔԾ-ում, տեղափոխել են այնտեղ, թե ում են տեղափոխել՝ չեն ասում: Պատգամավորները նաեւ կգնան ՀՔԾ՝ տեղեկություններ ստանալու, իսկ 2 ժամ հետո կվերադառնան ԱԱԾ:
Հռիփսիմե ՋԵԲԵՋՅԱՆ
