«Ուզում եմ բոլոր այն քաղաքական ուժերին, որոնք ռազմական դրության պայմաններում փորձում են պղտոր ջրում ձուկ որսալ, վստահեցնել, որ այս հարցում որեւէ տիպի հանդուրժողականություն եւ թավիշ չի լինելու»,-Հանրային հեռուստաընկերության «Հանրային քննարկում» հաղորդաշարի եթերում այսօր հայտարարել է ՀՀ փոխվարչապետ Տիգրան Ավինյանը:
«Ներքաղաքական գործընթացները՝ ո՞վ է մեղավոր, ո՞վ է պատասխանատու, դրանց հերթն անպայման կգա: Եթե պետք է՝ այս իշխանությունները գնալու են, եւ ընտրվելու է նոր իշխանություն, բայց երբեւէ թույլ տալ հեղաշրջման փորձեր՝ ես եւ մեր թիմը չենք կարող»,-հավելել է Ավինյանը:
Պետրոս Ղազարյանի՝ «հեղաշրջման վտանգ տեսնո՞ւմ եք» հարցին ի պատասխան Տիգրան Ավինյանը շեշտել է. «Նման վտանգ, այնուամենայնիվ, կոչերի մակարդակով լսել եմ, բայց վստահեցնեմ՝ նման փորձերը շատ կոշտ ձեւով են կասեցվելու»: Հիշեցնենք, որ վարչապետ Նիկոլ Փաշինյանի, ՌԴ նախագահ Վլադիմիր Պուտինի եւ Ադրբեջանի նախագահ Իլհամ Ալիեւի ստորագրած փաստաթուղթը ենթադրում է Արցախի տարածքների վերադարձ Ադրբեջանին եւ ռուս խաղաղապահների տեղակայում:
Կարդացեք նաև
Լուիզա ՍՈՒՔԻԱՍՅԱՆ
