ԱԺ բակում է ՀՀ առաջին օմբուդսմեն Լարիսա Ալավերդյանը: Նա կոչ արեց զգոնությունը չկորցնել ու ուղերձ հղեց. «Պահանջը, որը մենք պետք է ներկայացնենք ԱԺ-ին, մեկն է՝ այն համաձայնությունը, որը տվել է վարչապետի պաշտոնը զբաղեցնող Նիկոլ Փաշինյանը, իրավաբանական առումով առ ոչինչ է: Ոչ թե նրա համար, որ բարոյական չի, էս չի, էն չի, այլ՝ չի անցել անհրաժեշտ գործառույթները: Մենք պառլամենտական հանրապետություն ենք, այդպիսի որոշումները, որոնք վերաբերում են ազգային անվտանգությանը, երկրի անվտանգությանը, պարտադիր պետք է անցներ ԱԺ-ով, հետո պիտի ստորագրվեր պետության գլուխ հանդիսացող նախագահի կողմից: Դա չի արվել:
Միաժամանակ այնպիսի հզոր պետություն, ինչպիսին է Ռուսաստանը, իր ստորագրությունը դրել է, ո՞րն է մեր խելամիտ պահվածքը: Մենք հստակեցնում ենք, որ ժողովրդի ինքնիշխանությունը զավթվել է մեկ անձի կողմից: Երբ ասում են՝ Հայաստանն ինքնիշխան պետություն է, դա ժողովրդի իշխանությունն է, նա չի համաձայնեցրել այդ հարցը ժողովրդի հետ: Իրավաբանական տեխնիկայի տեսանկյունից իր բանավոր կամ գրավոր համաձայնությունը առ ոչինչ է՝ թե՛ Հայաստանի, թե՛ Ռուսաստանի համար:
Մենք դիմում ենք ՌԴ-ին, որ սառեցվի այն համաձայնությունը, որն անօրինական է, լեգիտիմ չի: Մենք կստեղծենք մեր ժամանակավոր անցումային այն մարմինները, որոնք պարտավոր է ստեղծել այսպիսի ժամանակահատվածում: Այն վարձկանները վարձով քայքայել են այս երկիրը 2,5 տարի, մանիպուլյատիվ կերպով տեղի է ունեցել այս «հեղափոխությունը», ժողովրդի անկեղծ ցանկությունը ազատվելու կոռուպցիոներներից, օգտագործվել է ժողովրդի դեմ: Մենք հիմա բացարձակապես չենք խոսում հների ռեաբիլիտացիայի մասին, դա մոռացեք»:
Կարդացեք նաև
Հռիփսիմե ՋԵԲԵՋՅԱՆ
