Մեզ խորապես մտահոգում է Երևանում ցույցերի ժամանակ առաջ եկած բռնությունը, այդ թվում հարձակումը կառավարության և Ազգային ժողովի շենքերի վրա, ինչպես նաև ֆիզիկական ագրեսիան ԱԺ նախագահի դեմ, որի հետևանքով նա տեղափոխվել է հիվանդանոց:
Այս մասին ասվում է ԵԽԽՎ Հայաստանի հարցով համազեկուցողներ Բորիանա Աբերգի (Շվեդիա) և Կիմմո Կիլիունենի (Ֆինլանդիա) համատեղ հայտարարության մեջ:
«Մենք հասկանում ենք հայ ժողովրդի տխրությունը, հիասթափությունը և զայրույթը կապված Լեռնային Ղարաբաղի վերջին զարգացումների հետ, ինչպես արտացոլված է Հայաստանի, Ադրբեջանի և Ռուսաստանի միջև եռակողմ համաձայնագրում: Բայց չպետք է թույլ տալ, որ այդ զգացմունքները վերածվեն բռնության միմյանց կամ Հայաստանի Հանրապետության ժողովրդավարական ինստիտուտների խորհրդանիշների նկատմամբ:
Հայերն իրավունք ունեն հաշվետվողականություն պահանջել իրենց քաղաքական ղեկավարությունից, բայց դա պետք է արվի ժողովրդավարական պետության շրջանակում, որտեղ հարգանք կա օրենքի գերակայության նկատմամբ: Հայաստանը ցույց է տվել, որ կարողանում է խաղաղ կերպով հաղթահարել հսկայական քաղաքական դժվարությունները: Այս անգամ էլ այլ կերպ չպետք է լինի: Հայաստանը չպետք է շեղվի իր ընտրած ժողովրդավարական ուղուց: Այս ծանր ժամանակներում այդ ձեռքբերումը չի կարելի կորցնել կամ փչացնել զայրույթով և ցասումով»,- ասվում է հայտարարության մեջ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
ԵԽԽՀ-ն քնից վերկացավ և ձեռնամուխ է եղել ՀՀ-ում ժողովրդավարության ամրապնդմմանը?