2020 Speed Chess Championship հեռավար մրցաշարի շրջանակներում Լեւոն Արոնյանը նոյեմբերի 11-ին խաղալու է Ռուսաստանի ներկայացուցիչ Յան Նեպոմնյաշչիի հետ, իսկ հաջորդ օրը մեր երիտասարդ գրոսմայստեր Հայկ Մարտիրոսյանը լուրջ քննություն պետք է հանձնի Հիկարու Նակամուրայի հետ դիմակայությունում:
Երեկ Շարլ Ազնավուրի հրապարակում կազմակերպված «Մատ տեռորին» նախագծի հեղինակ Լեւոն Արոնյանից Aravot.am-ը հետաքրքրվեց, թե ինչո՞վ է պայմանավորված, որ վերջին ամիսներին նրա խաղի բարձր մակարդակը կրկին կայունացել է եւ ինչպե՞ս է նախապատրաստվում Նեպոմնյաշչիի հետ առաջիկա հանդիպմանը: «Կյանքիս դժվար ժամանակահատվածն անցել է եւ կյանքս հիմա կայունացել է: Իսկ ինչ վերաբերում է առաջիկայում կայանալիք մրցապայքարին, ագրեսորհարեւանի սանձազերծած այս պատերազմի պայմաններում կենտրոնանալ եւ խաղին նախապատրաստվել չի ստացվում: Սակայն հուսամ, որ ամեն բան լավ կընթանա»,-պատասխանեց հայկական շախմատի առաջատարը:
Աշոտ ՀԱԿՈԲՅԱՆ
Ինչպես Հենրիկ Մխիթարյան է փայլում, պետք է փայլի Արոնյանը: Մեր ազգին հաղթանակներ են պետք՝ հատկապես այս փուլում, և ընդհանրապես: Լևոնը պետք է դառնա աշխարհի չեմպիոն, ինչպես Տ. Պետրոսյանը, որը մեր ազգին պարգևեց նոր զարթոնք: