Կանադայի վարչապետ Ջասթին Թրյուդոն և Ֆրանսիայի նախագահ Էմանուել Մակրոնը հինգշաբթի հեռախոսազրույցի ընթացքում քննարկել են իրավիճակը Լեռնային Ղարաբաղում և ահաբեկչության դեմ պայքարը: Այս մասին հայտնում է Կանադայի վարչապետի մամուլի ծառայությունը:
«Վարչապետ Թրյուդոն համերաշխություն է հայտնել Ֆրանսիայի ժողովրդին վերջին ահաբեկչությունների և բռնությունների կապակցությամբ: Առաջնորդները կարևորել են խոսքի ազատությունն ու մարդու իրավունքների պաշտպանության անհրաժեշտությունը և խոստացել են պայքարել ահաբեկչության և ծայրահեղականության դեմ», – ասվում է հայտարարության մեջ:
Ղեկավարները քննարկել են նաև Լեռնային Ղարաբաղում տիրող իրավիճակը և ընդգծել հակամարտության դիվանագիտական կարգավորման կարևորությունը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
