ՀՀ դատական դեպարտամենտի ղեկավար Կարեն Փոլադյանը կարծում է, որ վերջին տարիներին դատական գործերի քանակի ավելացումը վկայում է դատական իշխանության հանդեպ վստահության բարձրացման մասին:
ԱԺ պետաիրավական հարցերի եւ ֆինանսավարկային ու բյուջետային հարցերի հանձնաժողովների համատեղ նիստում այսօր 2021թ.-ի պետբյուջեի նախագծի քննարկման ժամանակ նա նշեց, որ եթե վերջին 6 տարում քաղաքացիական գործերի թիվը տարեկան կազմում էր մոտ 48 հազար, ապա հիմա՝ մոտ 200 000, այսինքն՝ չորս-հինգ անգամ ցուցանիշն ավելացել է:
«Սա խոսում է այն մասին, որ հանրությունն իր խնդիրները փորձում է լուծել դատական համակարգի միջոցով: Ես այսպես եմ գնահատում: Աշխատում ենք այն ուղղությամբ, որպեսզի ստացվող դատական գործերի քննությունը ենթադրի կոնկրետ ժամկետ: Որակական ցուցանիշները քննարկվում են բարձրագույն դատական խորհրդում»,-տեղեկացրեց Կարեն Փոլադյանը:
Լուիզա ՍՈՒՔԻԱՍՅԱՆ
