«Այսօր ադրբեջանական զինված ուժերը հրոսակախմբերի, վարձկանների հետ շարունակել են հարձակողական գործողությունները: Այսօր վաղ առավոտյան Մարտունի քաղաքից հարավ ադրբեջանական զինված ուժերի ստորաբաժանումները զրահատեխնիկայի, օդուժի, հրետանու աջակցությամբ փորձել են հարձակում զարգացնեն: Կորցնելով մի քանի զրահատեխնիկա եւ զգալի թվով կենդանի ուժ՝ հետ են շպրտվել ելման բնագծեր եւ ողջ օրվա ընթացքում մեր ստորաբաժանումները հատկապես հրետանային կրակով շարունակել ն թշնամու ուժերի ոչնչացումը»,- Հայկական միասնական տեղեկատվական կենտրոնում ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը:
Քիչ առաջ էլ պաշտոնապես հայտարարվեց, որ ադրբեջանաթուրքական ուժերը «Սմերչ» կայանքից հրթիռ են արձակել Ստեփանակերտի վրա. «Կոնկրետ Ստեփանակերտում թիրախավորվել է «Մոր և մանկան» կենտրոնը: Սա՝ ի ցույց աշխարհի»:
Արծրուն Հովհաննիսյանը տարիներ առաջ ժամանակակից գրող Սյունե Սեւադային մի շնորհավորական ուղերձում կարեւոր խոսքեր էր ասել: Օրերս Սյունեն ֆեյսբուքյան գրառում էր արել՝ հիշեցնելով դա. «Երեք տարի առաջ Արծրուն Հովհաննիսյանից անսպասելի նամակ ստացա։ Հիմա էդ նամակի մի հատվածը արտագրված է իմ բոլոր բլոկնոտներում, կպցրած է տան պատին, գրած է հեռախոսի մեջ, որտեղ հնարավոր է։ Կյանքիս լավագույն խորհուրդն է, որ ամենավատ վիճակներում փրկել է ինձ։ Գրել էր՝ մնա միշտ ուժեղ ու հիշի՝ այն ակնթարթներին, երբ քեզ կթվա, թե էլ չես կարող, հոգնել ես, դիմացինը՝ լինի մարդ թե երևույթ, նույնպես այդպես է մտածում։ Հետևաբար մի քայլ էլ, ու հաղթելու ես։ Հիմա առավել քան ճիշտ են էս խոսքերը, էս իրավիճակում»:
Կարդացեք նաև
Արծրուն Հովհաննիսյանը վերահաստատեց իր խոսքերը՝ «Հաղթելու ենք» ու հորդորեց շատ կարդալ Սեւադա:
Հռիփսիմե ՋԵԲԵՋՅԱՆ
Սյունե Սեւադայի լուսանկարը՝ նրա ֆեյսբուքյան էջից:
