Այժմ էլ հա­մոզ­վում ենք՝ դաշ­նա­կից­նե­րի ա­ռու­մով այ­լընտ­րանք չու­նենք. «Լու­սա­վոր Հա­յաս­տան» խմ­բակ­ցու­թյան պատ­գա­մա­վոր. «Իրատես»

Ռու­սաս­տա­նի ար­տա­քին գոր­ծե­րի նա­խա­րա­րու­թյու­նը, ար­ձա­գան­քե­լով Հա­յաս­տա­նի վար­չա­պետ Նի­կոլ Փա­շի­նյա­նի ու­ղեր­ձին, ըստ երևույ­թին, որևէ նոր բան չի ա­սել։ «Ի­րա­տե­սի» հետ զրույ­ցում նման տե­սա­կետ հայտ­նեց «Լու­սա­վոր Հա­յաս­տան» խմ­բակ­ցու­թյան պատ­գա­մա­վոր ԿԱ­ՐԵՆ ՍԻ­ՄՈ­ՆՅԱ­ՆԸ՝ ա­վե­լաց­նե­լով՝ ինչ-որ խոր­հր­դակ­ցու­թյան սկիզբ էին ա­սես դի­մումն ու դրա ար­ձա­գան­քը, ո­րոնք պա­տե­րազ­մի ա­ռա­ջին օ­րը, ոչ թե 36-րդ օ­րը պետք է լի­նեին։

-Հա­սա­րա­կու­թյունն ակ­տի­վո­րեն քն­նար­կում է՝ ին­չո՞ւ չենք դի­մում նաև ՀԱՊԿ-ին։ Ի դեպ, ԱԺ փոխ­խոս­նակ Ա­լեն Սի­մո­նյա­նը չի բա­ցա­ռում՝ հնա­րա­վոր է դի­մեն, բայց ՀԱՊԿ-ը չօ­ժան­դա­կի:

-Ե­կեք հաս­կա­նանք՝ ով­քեր են ՀԱՊԿ ան­դամ պե­տու­թյուն­նե­րը: Դրան­ցից մե­կը, օ­րի­նակ, Ղրղզս­տանն է, ո­րի նախ­կին նա­խա­գա­հը պն­դում էր, թե Թուր­քիան ի­րենց հա­մար շո­ղա­ցող արև է: Ղա­զախս­տանն իր ա­ջակ­ցու­թյունն Ադր­բե­ջա­նին մեկ ան­գամ չէ, որ հայտ­նել է: Բե­լա­ռուսն ան­թա­քույց պրոադր­բե­ջա­նա­կան կողմ­նո­րո­շում ու­նի: Որ­պես դաշ­նա­կից միայն Ռու­սաս­տանն է մնում, ո­րի հետ էլ մենք աշ­խա­տում ենք։ Բայց պետք չէ մո­ռա­նալ, որ ՀԱՊԿ կոչ­վա­ծը 90 տո­կո­սով Ռու­սաս­տանն է, հետևա­բար՝ ի՞նչ տար­բե­րու­թյուն՝ ՀԱՊԿ-ի՞, թե՞ ՌԴ-ի հետ ենք հա­մա­գոր­ծակ­ցում:

-Պա­տե­րազ­մի ա­ռա­ջին օր­վա­նից Դուք և Ձեր գոր­ծըն­կեր­ներն ա­սում եք, թե մի­ջազ­գա­յին տար­բեր կա­ռույց­նե­րի ներ­կա­յա­ցու­ցիչ­նե­րի հետ աշ­խա­տանք եք տա­նում: Ի՞նչ է փոխ­վում դրա­նից:

Կարդացեք նաև

ՀԱՊԿ-ի աշխատանքներին մասնակցությունը սառեցնելու մասով ՀՀ դիրքորոշումը փոփոխության չի ենթարկվել. ՀՀ ԱԳՆ

• 15:52 14.11.2024

ԱՄՆ-ում ընտրությունների արդյունքներից հետո նույնիսկ անհույս «արեւմտամոլներին» պարզ դարձավ, որ ՌԴ-ն Հարավային Կովկասից չի հեռանալու. Շարմազանով

• 12:52 07.11.2024

«Թեպետ մեկնեցին Մոսկվա, բայց այս անգամ էլ գնացին ՌԴ-ի դեմ դեմարշի». «Հրապարակ»

• 10:16 09.10.2024

-Դա խոր­հր­դա­րա­նա­կան դի­վա­նա­գի­տու­թյուն է, ո­րը թույլ է տա­լիս բարձ­րաց­նել խն­դի­րը, ներ­կա­յաց­նել հայ­կա­կան տե­սա­կե­տը, ագ­րե­սիա­յի դեմ տար­վող պայ­քա­րը: Ա­սում ենք, որ Հա­յաս­տա­նը պայ­քա­րում է ոչ միայն Ար­ցա­խի բնակ­չու­թյան կյան­քի ի­րա­վուն­քի, այլև մի­ջազ­գա­յին ա­հա­բեկ­չու­թյան դեմ: Ինչ­քան հնա­րա­վոր է ե­ղել, այդ մե­սի­ջը տեղ ենք հասց­րել, բայց սին հույ­սեր փայ­փա­յել, թե Արևմուտ­քը մեզ ինչ-որ ձևով պետք է օգ­նի կամ օ­ժան­դա­կու­թյուն տրա­մադ­րի, չպետք է ու­նե­նանք: Մեր օ­ժան­դա­կու­թյունն ա­ռա­ջին հեր­թին գա­լիս է մեր բնա­կան դաշ­նա­կից­նե­րից, ո­րոնք տա­րի­նե­րի ըն­թաց­քում են ձևա­վոր­վել: Այժմ էլ հա­մոզ­վում ենք՝ դաշ­նա­կից­նե­րի ա­ռու­մով այ­լընտ­րանք չու­նենք:

Զրույ­ցը`Սևակ ՎԱՐ­ԴՈՒ­ՄՅԱ­ՆԻ

Հարցազրույցն ամբողջությամբ՝ «Իրատես» թերթի այսօրվա համարում