Այսօր Երուսաղեմում հայ համայնքի ներկայացուցիչները բողոքի քայլերթ են անցկացրել՝ Իսրայելի կառավարությունից պահանջելով դադարեցնել զենքի վաճառքը Ադրբեջանին:
Ինչպես հայտնում է Երուսաղեմի հայոց պատրիարքարանի դիվանապետ Հայր Կորյուն վարդապետ Բաղդասարյանը, քայլերթը սկսել է վանքի դռնից, հետո անցնելով թիվ 1 ճանապարհով՝ մոտեցել են Իսրայելի վարչապետ Բենյամին Նաթանյահուի կեցավայրին ու հասել մինչեւ Հոպպեի դարպասի հրապարակ: Ակտիվիստները հայերեն, եբրայերեն եւ անգլերեն լեզուներով վանկարկում էին՝ «Էրդողան՝ տեռորիստ», «Ալիեւ, տեռորիստ»: Նրանց խոսքով՝ Ադրբեջանը ցեղասպանություն է իրականացնում Արցախում, դադարեք զենք վաճառել, հաղթելու ենք:
Հայերը նաեւ երգում էին մեր օրհներգը, Գուսան Հայկազունի «Հայեր, միացեքը», «Գետաշենը» եւ այլ հայրենասիրական երգեր:
Հռիփսիմե ՋԵԲԵՋՅԱՆ
