«Մինչեւ այսօր պատասխանատվության է ենթարկվել 331 սուբյեկտ, որոնցից 148-ը՝ լրատվական գործունեություն իրականացնողներ, մնացածը՝ լրատվական գործունեություն չիրականացնողներ»,-ԱԺ պաշտպանության եւ անվտանգության հարցերի հանձնաժողովում այսօր «ՀՀ 2021թ.-ի պետական բյուջեի մասին» ՀՀ օրենքի նախագծի քննարկման ժամանակ հայտարարեց ոստիկանապետի առաջին տեղակալ Արա Ֆիդանյանը՝ պատասխանելով հարցին, թե ռազմական դրության իրավական ռեժիմի սահմանափակումները խախտող քանի օգտատեր եւ անձ է ենթարկվել պատասխանատվության՝ սոցցանցային գրառումների համար:
Հանձնաժողովի նախագահ Անդրանիկ Քոչարյանը նկատեց՝ տուգանքից հետո նույն հրապարակումները շարունակվե՞լ են. «Ես կարող եմ օրինակներ բերել: Կա՞ն մարդիկ, ովքեր ֆինանսավորում են, որպեսզի նման հրապարակումները լինեն շարունակական»:
Ֆիդանյանը պատասխանեց. «Ֆինանսավորման աղբյուրներ նշել չեմ կարող, բայց տեղեկացնեմ, որ եթե առաջին որոշումից հետո հրապարակումը չի հեռացվում, հաջորդում է վարչական իրավախախտման վերաբերյալ երկրորդ որոշումը»:
«Իմ քայլի» պատգամավոր Արեն Մկրտչյաննն էլ իր հերթին նկատեց. «Ստացվում է, որ 300 դրամ տուգանվում են գրառում անելու համար եւ վե՞րջ: Արդյունքում թիկունքում պառակտում են մտցնում, հետո նորից գրառում անում եւ նորից տուգանվում: Եթե կարիք կա, մենք ինքներս կարող ենք օրինագիծ մշակել եւ խիստ միջոցներ մտածել, որպեսզի դուրս գանք այս շղթայից»:
Կարդացեք նաև
Լուիզա ՍՈՒՔԻԱՍՅԱՆ
