«Այդքան կարեւոր չի պարտքի շեմը, ինչքան կարեւոր է, թե այդ պարտքով ներգրաված միջոցները ծախսման ինչ արդյունավետություն ունեն եւ ինչ նպատակ»,- այսօր ԱԺ-ում լրագրողների հետ զրույցում փոխվարչապետ Մհեր Գրիգորյանն այսպես պատասխանեց, երբ հարցրեցին պարտքի շեմի մասին:
Խոսելով կորոնավիրուսի պատճառով լոքդաունի մասին՝ Մհեր Գրիգորյանն ասաց. «Այս պահի դրությամբ, կարծում եմ, նման օրակարգ չենք ունենալու»: Այնուամենայնիվ, նա հորդորեց բոլոր կանխարգելիչ միջոցներն անել, որովհետեւ դա ամենաարդյունավետ լուծումն է:
Ռազմական դրությամբ եւ կորոնավիրուսով պայմանավորված՝ Մհեր Գրիգորյան ասաց, որ իհարկե, հարկային մուտքերը կանխատեսվածից ավելի ցածր կլինեն, կնվազեն, պակասորդն ավելի կլինի, բայց ելքեր կան. «Կոմպենսացիոն ծրագրեր կան, որոնք կկիրառենք, դրանք արտացոլված են բյուջեում: Ինչ վերաբերում է COVID-ի հետեւանքով տնտեսվարողների կրած վնասներին, իրականացնելով 24 միջոցառում՝ ես կարծում եմ, որոշակի իմաստով իրավիճակը եթե չասեմ լիարժեք վերականգնվեց, բայց խնդիրների չեզոքացման ֆունկցիան զգալիորեն կատարվեց միջոցառումների արդյունքով: Դա լավ օրինակ է, որ ծախսերն իրականացվեն ոչ թե շատ, այլ արդյունավետ»:
Կարդացեք նաև
Հռիփսիմե ՋԵԲԵՋՅԱՆ
