«Կայուն մակրոմիջավայրի ապահովումը հնարավոր է եղել նաեւ 2020թ.-ին, եւ դա աննախադեպ է համավարակի, նաեւ՝ Թուրքիայի հովանավորչությամբ եւ մասնակցությամբ Ադրբեջանի սանձազերծած այս պատերազմի պայմաններում»,-ԱԺ ֆինանսավարկային եւ բյուջետային հարցերի հանձնաժողովի նիստում այսօր «ՀՀ 2021թ.-ի պետական բյուջեի մասին» ՀՀ օրենքի նախագծի քննարկման ժամանակ հայտարարեց փոխվարչապետ Մհեր Գրիգորյանը: Նրա խոսքով՝ ակնհայտ է, որ 2021թ.-ը լարված տարի է լինելու բոլորիս համար. «Բայց վստահ եմ, որ համատեղ աշխատանքի արդյունքում կհաջողվի ունենալ բյուջե, որը հաշվի կառնի բոլոր հնարավոր ռիսկերն ու մարտահրավերները: Կորոնավիրուսի հետեւանքներին գումարվել է այսօրվա իրավիճակը»:
Մհեր Գրիգորյանի բնորոշմամբ. «Ակնհայտ է, որ թիվ մեկ խնդիրը, որի հետ կապված քննարկումների արդյունքում կունենանք լուծումներ, դա արդյունավետությունն է: Ծախսերի տրամաբանությունը հնարավոր է եղել ապահովել մեր համատեղ աշխատանքի արդյունքում, բայց այսօր կորոնավիրուսի հետեւանքին գումարվել է պատերազմական իրավիճակը, հետեւաբար՝ այդ հարցերի պատասխանը նույնպես պետք է գտնենք: Վստահ եմ, որ կկարողանանք ապահովել անհրաժեշտ կայունությունը, ներդրումների հոսքը»:
Կարդացեք նաև
Լուիզա ՍՈՒՔԻԱՍՅԱՆ
