Թոքաբան Նունե Ազիզյանը ֆեյսբուքյան իր էջում, հրապարակելով հետևյալ տեղեկատվությունը, զգուշացնում է․
Հարգելի բուժառուներ և գործընկերներ, այս օրերին շփում ունենալով Կովիդ-19-ով վարակակիրների հետ՝ հարկ եմ համարում ևս մեկ անգամ հիշեցնել:
Հակաբիոտիկների վաղ և անհիմն օգտագործումը վիրուսային փուլում անօգուտ է և վնասակար, քանի որ երբ միանում է բակտերիալ ֆլորան թոքային փուլում, վաղ նշանակած հակաբիոտիկները բերում են հետագա ընտրության սահմանափակման և ավելի բարձր կարգի հակաբիոտիկների նշանակման: Հակաբիոտիկների նշանակումը ունի խիստ ցուցում:
Մեկ այլ դեղամիջոց՝ դեքսամեթազոնը, շատ լայն կիրառում ունի այս օրերին: Դեքսամեթազոնի կիրառումը նույնպես ունի խիստ ցուցում: Կովիդ-19 ախտորոշումը դեքսամեթազոնի նշանակման ցուցում չի: Այն ևս նշանակվում է կլինիկական ախտանիշների ավելացման և հստակ լաբորատոր ցուցանիշների դեպքում:
Կարդացեք նաև
Հարգելի բուժառուներ, Կովիդ-19 ախտորոշումը ցուցում չէ պարտադիր դեղորայքային բուժման, շատ դեպքերում շնչառական վարժությունները և հեղուկների օգտագործումը բավարար է թեթև ձևերի առողջացման համար:
