ՄԱԿ-ի Անվտանգության խորհուրդը կարող է վերադառնալ Լեռնային Ղարաբաղի հարցի քննարկմանը, եթե հակամարտության գոտում իրավիճակը չբարելավվի: Այս մասին ասել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան։
«Չեմ կարող բացառել, որ եթե իրավիճակը վատթարանա, Խորհուրդը կարող է վերադառնալ այդ խնդրին և նորից քննարկել այն: Իսկ ինչ ձևաչափով՝ դեռ կորոշենք», – ասել է Նեբենզյան ՝ պատասխանելով հարցին, թե արդյոք Անվտանգության խորհուրդը նախատեսում է այս թեմայով բաց նիստ անցկացնել:
Ավելի վաղ ՄԱԿ-ի Անվտանգության Խորհուրդը երկու անգամ քննարկել էր Լեռնային Ղարաբաղում հակամարտության սրումը փակ ձևաչափով՝ առանց Հայաստանի և Ադրբեջանի ներկայացուցիչների մասնակցության:
Նեբենզյան հույս է հայտնել, որ հակամարտության կողմերը կկատարեն ձեռք բերված պայմանավորվածությունները, առաջին հերթին կհաստատեն հրադադար, որից հետո պետք է սկսվի քաղաքական գործընթացը:
Պատրաստեց Վիկտորյա ԱՆԴՐԵԱՍՅԱՆԸ
