ԵԱՀԿ Մինսկի խմբի մամուլի հաղորդագրությունը
Ժնեւ, 30 հոկտեմբերի 2020թ․
ԵԱՀԿ Մինսկի խմբի համանախագահներ Իգոր Պոպովը (ՌԴ), Ստեֆան Վիսկոնտին (Ֆրանսիա) եւ Էնդրյու Շոֆերը (ԱՄՆ) հրապարակել են հետեւյալ հայտարարությունը․
Հոկտեմբերի 30-ին Ժնեւում համանախագահները առանձին հանդիպումներ են ունեցել Հայաստանի արտգործնախարար Զոհրաբ Մնացականյանի եւ Ադրբեջանի արտգործնախարար Ջեյհուն Բայրամովի հետ: Հանդիպումներին մասնակցել է ԵԱՀԿ գործող նախագահի անձնական ներկայացուցիչ Անջեյ Կասպրշիկը: Նրանք նաեւ խորհրդակցություններ են անցկացրել ՄԱԿ-ի Փախստականների հարցերով գերագույն հանձնակատար Ֆիլիպո Գրանդիի եւ ԿԽՄԿ-ի նախագահ Պետեր Մաուրերի հետ:
Կարդացեք նաև
Համանախագահները կրկին կողմերին կոչ են արել ամբողջությամբ կատարել Մոսկվայի հոկտեմբերի 10-ի համատեղ հայտարարության համաձայն ստանձնած եւ հոկտեմբերի 17-ին Փարիզի հետ եւ հոկտեմբերի 25-ին Վաշինգտոնում վերահաստատված պարտավորությունները՝ ներառյալ հումանիտար հրադադարի անհապաղ հաստատումը:
Հրադադարի կամ այլ պարտավորությունների իրականացմանը զուգահեռ ու առանց դրանց վնասելու կողմերը պայմանավորվել են հրատապ կարգով ձեռնարկել մի շարք քայլեր, այդ թվում․
✅միջազգային մարդասիրական իրավունքի համաձայն դիտավորությամբ չթիրախավորել քաղաքացիական բնակչությանը կամ ոչ ռազմական օբյեկտները,
✅ակտիվորեն մասնակցել ռազմի դաշտում աճյունների նախապատրաստման եւ փոխանակման իրականացմանը՝ ԿԽՄԿ-ին եւ ԵԱՀԿ գործող նախագահի անձնական ներկայացուցչին տրամադրելով անվտանգության անհրաժեշտ երաշխիքներ,
✅մեկ շաբաթվա ընթացքում ԿԽՄԿ-ին եւ ԵԱՀԿ գործող նախագահի անձնական ներկայացուցչին տրամադրել ռազմագերիների ցուցակը՝ հասանելիության ապահովման եւ հետագա փոխանակման նպատակներով,
✅հոկտեմբերի 10-ի համատեղ հայտարարության 2-րդ կետին համապատասխան գրավոր ներկայացնել հրադադարի ստուգահավաստման հնարավոր մեխանիզմների հետ կապված մեկնաբանություններ եւ հարցեր:
Հոկտեմբերի 10-ի համատեղ հայտարարության 3-րդ կետին համապատասխան կողմերը մտքերի բաց եւ առարկայական փոխանակում են ունեցել՝ ուղղված համապարփակ կարգավորման առանցքային տարրերի շուրջ իրենց բանակցային դիրքորոշումների հստակեցմանը։
Համանախագահները շարունակելու են ինտենսիվ աշխատել կողմերի հետ՝ գտնելու հակամարտության խաղաղ կարգավորման ուղի։
