Մենք պետք է հստակ ուղերձ հղենք Ադրբեջանին․ հստակ և բացարձակապես անկասկած է, որ այս ագրեսիան սկսել է Ադրբեջանը, և Իլհամ Ալիևը հայտարարում է, որ պատրաստ չի դադարեցնել մարտական գործողությունները։ Այս մասին Գերմանիայի Բունդեսթագում հայտարարել է իշխող «Քրիստոնեա-դեմոկրատական կուսակցության» անդամ Յոհան Դավիդ Վադեփուլը։
«Մենք կոչ ենք անում Ադրբեջանին անհապաղ համաձայնել հրադադարին և վերադառնալ բանակցություններին։ Միայն այն փաստը, որ Ադրբեջանն այս պահին ռազմական ավելի լավ դիրքերում է, չի նշանակում, որ նա իրավունք ունի չարաշահել դա։ Ադրբեջանը պետք է իմանա, որ կորցնելու է ցանկացած աջակցություն Եվրոպական միությունից, եթե շարունակի հրաժարվել բանակցություններից»,- հայտարարել է պատգամավորը։
Անդրադառնալով Թուրքիայի դերին՝ պատգամավորը նշել է․ «Թուրքիան նույնպես պետք է հստակ ուղերձ ստանա։ Թուրքիան զանգվածային ռազմական օգնություն է ցուցաբերում Ադրբեջանին։ Ես հասկանում եմ, որ նրանք բարեկամական հարաբերություններ ունեն Ադրբեջանի հետ, սակայն մենք ՆԱՏՕ-ի անդամ երկրից ակնկալում ենք, որ նա դրական դերակատարում կունենա բանակցություններին վերադառնալու հարցում։ Թուրքիան պետք է հասկանա, որ մեր համբերությունն այս հարցում արդեն սպառվել է»։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
