«Մարտական գործողությունները ողջ օրվա ընթացքում շարունակվել են ռազմաճակատի երկայնքով, սակայն ոչ մեծ ինտենսիվությամբ: Նախ Հարավային հատվածում, Բերձորից մինչեւ Արաքսի ափն ընկած ռազմաճակատային բնագծի ուղղությամբ եղել են որոշակի մարտական գործողություններ, սակայն մեր զինված ուժերին հաջողվել է որոշակի դիրքերի բարելավում իրականացնել: Բացի դրանից՝ Արցախի Մարտունու եւ Ասկերանի շրջանների գյուղերում անտառային զանգվածի փոքր բնակավայրերի հարակից տարածքներում շարունակվել են դիվերսիոն խմբերի դեմ ընթացքող մարտական գործողությունները»,-Միասնական տեղեկատվական կենտրոնում հայտնեց ՊՆ ներկայացուցիչ Արծրուն Հովհաննիսյանը:
Նրա խոսքով. «Այսօր այդ մարտական գործողություններն ընթացել են Ավետարանոց եւ դեպի Սղնախ գյուղի տարածքի, հարակից բլուրների եւ անտառների զանգվածներում: Դիվերսիոն խմբերը ներթափանցումն են տարբեր ուղղություններով, նրանց դեմ պայքարը ենթադրում է որոշակի առանձին մարտական գործողությունների ձեւ, մարտավարություն, ինչը հինգերորդ սերնդի պատերազմին բնորոշ մարտական գործողությունների նման մարտեր չեն»:
Արծրուն Հովհաննիսյանը հավելեց, որ օրվա ընթացքում շարունակվել են նաեւ Արցախի տարբեր բնակավայրերի հրետակոծությունները՝ տարբեր ուղղություններով, կիրառվել են հիմնականում հրետանային, հրթիռային միջոցներ:
Կարդացեք նաև
Գոհար ՀԱԿՈԲՅԱՆ
