Լեռնային Ղարաբաղի հակամարտությունը պարզ լուծում չունի, քանի որ այս հարցում ամեն մեկն իր ճիշտն ունի։ Նման հայտարարություն է արել ՌԴ նախագահ Վլադիմիր Պուտինը՝ ելույթ ունենալով «ՎՏԲ կապիտալ» ֆորումի ժամանակ։
«Յուրաքանչյուրն իր ճիշտն ունի, այստեղ չկան պարզ լուծումներ, քանի որ հանգույցը դժվար է քանդել»,- ասել է Պուտինը։
Նա նշել է, որ լուծումը պետք է լինի այն, որ Հայաստանի ու Ադրբեջանի շահերի միջև բալանս գտնվի։
«Մենք ի սկզբանե համարել ենք և մեր դիրքորոշումը բացարձակապես բաց է, մենք խոսել ենք հինգ և հետագայում ևս երկու շրջանների՝ Ադրբեջանին փոխանցելու հնարավորության մասին՝ Ղարաբաղի որոշակի կարգավիճակի դիմաց։ Երկարաժամկետ կարգավորումն այն է, որ շահերի այնպիսի բալանս գտնենք, որը կբավարարի երկու կողմին էլ՝ ինչպես ադրբեջանցի ժողովրդին, որին մենք հարգում ենք, այնպես էլ հայ ժողովրդին»,- ասել է ՌԴ ղեկավարը։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
