Լրագրողների հետ ճեպազրույցում այսօր «Լուսավոր Հայաստան» խմբակցության ղեկավար Էդմոն Մարուքյանը կոչով դիմեց արտերկրում բնակվող հայրենակիցներին: «Եղեք հնարավորինս զգույշ եւ մի տրվեք թուրք-ադրբեջանական որեւէ սադրանքի»,-նշեց նա:
Հիշեցնենք, որ ֆրանսահայերի խաղաղ ցույցի ժամանակ երիտասարդներից մեկը մուրճի հարված էր ստացել իրենց վրա հարձակված թուրքերից մեկի կողմից:
«Այդ հարձակումից հետո երեկոյան Ֆրանսիայի մի քանի խոշոր քաղաքներում թուրքերը ցույցեր են արել՝ վանկարկելով «ո՞ւր եք, հայեր»…սա կարող է բերել բախումների խաղաղ կենցաղավարության վայրերում: Չի կարելի կոնֆլիկտը ռազմադաշտից դեպի այլ վայրեր փոխադրել: Մեր հայրենակիցներին կոչ եմ անում զգույշ լինել եւ ձեռնպահ մնալ որեւէ գործողություններից, որոնք կարող են բերել բախումների: Կապ չունի, թե որ երկրում»,-նշեց Էդմոն Մարուքյանը:
«Սա վտանգավոր է եւ սա տեսել ենք նաեւ հուլիսյան դեպքերից հետո»,-հավելեց պատգամավորը:
Կարդացեք նաև
Լուիզա ՍՈՒՔԻԱՍՅԱՆ
