Լիոնում հարյուրավոր թուրքեր այս գիշեր պարետային ժամի պայմաններում փողոց են դուրս եկել՝ որոնելով բիզնես տարածքներ, դրանք ավերելու նպատակով:
Սա հաջորդել էր առավոտյան կատարվածին, երբ բախումներ էին սկսվել թուրքական և հայկական համայնքների ներկայացուցիչների միջև, երբ հայ ցուցարարները Լիոն- Վալանս եւ Լիոն-Վիեն ուղղություններով արգելափակել էին մայրուղիները՝ բողոքելով Էրդողանի դեմ:
Կարդացեք նաև
«Նիդերլանդական օրագիրը» թարգմանաբար մանրամասներ է ներկայացրել ledauphine.com կայքից.
«Առաջին կես ժամվա ընթացքում հայկական համայնքից տասնյակ մարդիկ արգելափակել են երթևեկությունը երկու ուղղություններով ՝ շատ դրոշներով, ծխային ռումբերով և Էրդողանի դեմ ուղղված կարգախոսներով: Իրենց վիրավորված զգալով՝ թուրքական համայնքի մի քանի անդամներ, հիմնականում բանվորներ, ովքեր նույնպես մնացել էին բողոքի ցույցի խցանումներում, կապ հաստատեցին մյուս անդամների հետ: Սրանք տեղ հասան որպես օժանդակողներ իրենց ֆուրգոններից մուրճանման գործիքներ հանեցին ու հենց այդ ժամանակ էլ սկսվեցին բախումները:
17: 40-ին. Առավոտ վաղ երկու համայնքների միջև լարվածությունը փոփոխության ենթարկվեց Վիեննի հիվանդանոցում, որտեղ մուրճի հարված ընդունած հայ համայնքի երիտասարդը հոսպիտալացվել էր: Երբ թուրքական համայնքից ինչ-որ մեկը այստեղ եկավ բուժման, հայացքներ փոխանակվեցին հայկական կողմում գտնվող տասնհինգ հոգու հետ: «Ոչ մի կռիվ, ոչ մի խոսք չի փոխանակվել, թեև լարված էր մթնոլորտը», – հայտնել է ոստիկանությունը, որը հրավիրել է բոլորին, բացի տուժողի ծնողներից ու քրոջից հեռանալ այդ վայրից»:
Ֆրանսիայում ՀՀ դեսպանությունը հայտարարությամբ է հանդես եկել՝ խստորեն դատապարտելով «Վալանս տանող ճանապարհին ազգությամբ հայ խաղաղ ցուցարարների դեմ ռասայական խտրականության հողի վրա իրականացված հարձակումը, որի արդյունքում կան տուժածներ և մարմնական վնասվածքներ ստացողներ։ Բռնության յուրաքանչյուր դրսևորում, առավել ևս՝ խաղաղ ցույց անող քաղաքացիների նկատմամբ, որևէ պարագայում չի կարող ընդունելի լինել։
Միևնույն ժամանակ, դեսպանությունը կոչ է անում Ֆրանսիայում բնակվող ՀՀ քաղաքացիներին, ինչպես նաև ֆրանսահայ համայնքի ներկայացուցիչներին չտրվել որևէ սադրանքի՝ հավատարիմ մնալով ֆրանսիական օրենսդրության պահանջներին»:
Իսկ գիշերն արդեն, ոստիկանության գնահատականով՝ 150 հոգուց բաղկացած թուրքական ամբոխը փողոցներում սպառնալիքներ էր վանկարկում հայերի հասցեին. «Ալլահ Աքբար», «Ո՞ւր են հայերը»:
Ça soir, à #Vienne, des #Turcs mènent une expédition punitive à la recherche d’#Armeniens, dans la ville.
— Commissaires de police - SICP (@SICPCommissaire) October 28, 2020
Ils croisent et agressent un équipage de la @PoliceNat38.
Nos collègues ont encore fait preuve de sang-froid et de courage face à 150 individus surexcités.#confinement pic.twitter.com/WYizppJHwk
