ԳԴՀ Բունդեսթագի Ձախեր խմբակցության արտաքին քաղաքական հարցերով խոսնակ Սևիմ Դաղդելենը հոկտեմբերի 27-ին հանդես է եկել հայտարարությամբ:
Լեռնային Ղարաբաղի հակամարտության տարածաշրջանում թուրքական զորքերի, Սիրիայի և Լիբիայի իսլամիստ վարձկանների աջակցությամբ ադրբեջանական բանակի առաջխաղացումը սպառնում է մարդասիրական աղետով և տեղի բնակչության ամբողջական տեղահանմամբ:
Դաշնային կառավարությունը պետք է խստորեն դատապարտի Ադրբեջանի կողմից զինադադարի խախտումը և Թուրքիայի նախագահ Էրդողանի կոչերը` Լեռնային Ղարաբաղն ամբողջապես նվաճելու վերաբերյալ։
Անհրաժեշտ է մարդասիրական օգնություն տրամադրել հակամարտության շրջանին։ Դաշնային կառավարությունը պետք է ակտիվորեն աջակցի կայուն հրադադարի ռեժիմն ամրապնդելուն ուղղված ԱՄՆ-ի, Ֆրանսիայի և Ռուսաստանի ջանքերին:
Կարդացեք նաև
Սա ներառում է դեպի Թուրքիա զինամթերքի արտահանման անհապաղ և համապարփակ դադարեցում, որն իր գերմանացի զինագործների հետ համատեղ մշակված ռազմական մարտական անօդաչու թռչող սարքերով, շարունակում է թեժացնել պատերազմը Կովկասում: Ադրբեջանական բանակը պետք է վերադառնա սեպտեմբերի 27-ին սկսված ագրեսիայից առաջ առկա դիրքերը՝ տարածաշրջանում տևական խաղաղության հասնելու համար անհրաժեշտ պայմաններ ստեղծելու նպատակով:
