Ֆրանսահայերը շարունակում են բողոքի խաղաղ ցույցեր անցկացնել: Այսօր նրանք Հայաստանի եւ Արցախի պետական դրոշներով եւ «Էրդողան՝ տեռորիստ», «Ալիեւ՝ տեռորիստ», «Հաղթելու ենք» վանկարկումներով փակել են A7 ճանապարհը՝ Ֆրանսիայի իշխանություններից պահանջելով ճանաչել Արցախի Հանրապետության անկախությունը, գործուն եւ խիստ պատժամիջոցներ կիրառել Արցախի դեմ սանձազերծված թուրք-ադրբեջանա-ահաբեկչական պատերազմը ժամ առաջ դադարեցնելու համար:
Սակայն խաղաղ ցույցը խաթարվել է թուրք-ադրբեջանական սադրիչների գործողությունների հետեւանքով, որոնք ըստ երեւույթին տեղյակ լինելով հայերի միջոցառման մասին, մուրճերով, դանակներով եւ մահակներով զինված հարձակվել են խաղաղ ցուցարարների վրա: Տեղի է ունեցել կարճատեւ բախում, որի ընթացքում հայ ցուցարարները թուրք սադրիչներին դրել են իրենց արժանի տեղը: Սակայն մի հայ երիտասարդ գլխի վնասվածքով տեղափոխվել է հիվանդանոց:
Աշոտ ՀԱԿՈԲՅԱՆ
