Հոկտեմբերի 15-16-ը կայացած ԵՄ գագաթաժողովի վերաբերյալ խորհրդարանին ուղարկված Նիդերլանդների կառավարության հաշվետվությունը
Լեռնային Ղարաբաղ
Արտաքին գործերի նախարարների կողմից Լեռնային Ղարաբաղում զարգացումների քննարկումից հետո՝ հոկտեմբերի 12-ին, Եվրոպական խորհուրդը քննարկեց հակամարտության շուրջ վերջին զարգացումները:
Կառավարությունների ղեկավարները, մասնավորապես, ընդգծել են հրադադարի ռեժիմի կիրառման կարևորությունը: Հոկտեմբերի 6-ին Արտաքին հարաբերությունների խորհրդում արտաքին գործերի նախարարի հայտարարությունից հետո Կառավարությունն այժմ կարող է տեղեկացնել Պալատին, որ Նիդերլանդները շատ հավանական են համարում Թուրքիայի ռազմական մասնակցությունն Ադրբեջանի և Հայաստանի միջև հակամարտությանը: Այդ ներգրավվածության ճշգրիտ բնույթը դեռ հնարավոր չէ հաստատել:
Կարդացեք նաև
Կառավարությունն այժմ նաև տեղյակ է, որ Թուրքիան իսկապես մասնակցում է Լեռնային Ղարաբաղի հակամարտության գոտում՝ ադրբեջանական կողմում, սիրիացի վարձկանների տեղակայմանը:
Ֆորդևինդի և Ֆան Հելվերտի հոկտեմբերի 6-ի միջնորդությանը համահունչ՝ Կառավարությունը Հյուսիսատլանտյան խորհրդում մտահոգություն հայտնեց հակամարտությունը սրող արտաքին միջամտության վերաբերյալ, և բոլոր երկրներին՝ ներառյալ ՆԱՏՕ-ի դաշնակից Թուրքիային, կոչ արեց նպաստել հրադադարի ռեժիմի հաստատմանը և դրա հետագա իրականացմանը:
