ՀՀ քննչական կոմիտեի Քրեագիտական վարչության պետ Ռաֆայել Վարդանյանը մամուլի ասուլիսի ընթացքում փաստեր ներկայացրեց այն մասին, թե որ երկրից քանի գրոհային է մինչ օրս բերվել Ադրբեջան՝ մասնակցելու Արցախի և ՀՀ-ի դեմ ուղղված թուրք-ադրբեջանական ահաբեկչական պատերազմին:
Նա մանրամասնեց. «Զորավարժությունների ավարտից հետո Ադրբեջանում մնացած Թուրքիայի մի քանի հարյուր զինծառայողներ սեպտեմբերի 26-ին Թուրքիա- Ադրբեջան օդուղով են բերվել Ադրբեջան, ինչպես նաև սեպտեմբերի 24-ին՝ ժամը 10.00-10.30-ին, Թուրքիայի Օրդու քաղաքից Վրաստան-Ադրբեջան օդուղով Ադրբեջան են տեղափոխվել 100 թուրք զինծառայողներ: Սեպտեմբերի 28-ին տվյալներ են ձեռք բերվել իսլամիստ գրոհայինների բերման մասին: Տվյալներ են ձեռք բերվել ՊԲ պահպանության գոտու լեռնային հատվածներում արաբալեզու զինյալների առկայության մասին, որոնք պարտավորված են եղել դիվերսիոն ներթափանցման խնդիրների իրականացման համար»:
Ռաֆայել Վարդանյանը նշեց՝ Իրանի և Արցախի Հանրապետության սահմանամերձ գոտում նկատվել են Սիրիայից տեղափոխված գրոհայինների խմբեր, որոնք տեղակայված են եղել Հորադիզի մոտակայքում: Հոկտեմբերի 29-ին հաստատվել է արաբալեզու առնվազն 300 գրոհայինների մասնակցություն արևելյան օպերացիոն ուղղությունների ընթացքում մարտական գործողություններին: Վերջինները գործել են առանձին խմբերով, առանձին հանձնարարություններով և ապահովել Ադրբեջանի զինված ուժերի ստորաբաժանումների գործողությունները: Նաև 800 գրոհային տեղափոխվել է Սիրիայից Ադրբեջան արևելյան ուղղությամբ մարտական գործողություններին մասնակցելու համար: Արդեն սպանվել են 2 գրոհայիններ»:
Ռաֆայել Վարդանյանն ասաց՝ հաստատվել է հոկտեմբեի 1-ին թուրքմեն գրոհայինների մասնակցությունը արևելյան օպերացիոն ուղղությունների ընթացքում մարտական գործողություններին, նաև ներգրավված են եղել Արաքսի հովտում ընթացող մարտական գործողություններին սեպտեմբերի 30-ից հոկտեմբերի 1-ը: Հոկտեմբերի 2-ին պարզվել է, որ մարտական գործողություններին ներգրավված են եղել նաև պակիստանցի վարձկաններ: Հոկտեմբերի 4-ին Գանձակում են գտնվել Թուրքիայի հատուկ նշանակության ստորաբաժանումների առնվազն երեք հարյուր զինծառայողներ, որոնք մասնակցել են Աֆրինի և Իդլիբի մարտական գործողություններին:
Կարդացեք նաև
ՔԿ պաշտոնյան նաև փաստական տվյալներ ներկայացրեց այն մասին, որոնք վկայում են՝ սիրիացի զինյալները եղել են Ադրբեջանի սահմանապահ զորքերի համազգեստով, հոկտեմբերի 4-ին վաղ առավոտյան ժամանել են Թուրքիայի զինված ուժերի 400 զինծառայողներ քաղաքացիական հագուստով:
Տաթև ՀԱՐՈՒԹՅՈՒՆՅԱՆ
