Բանաձև Սիրոս-Էրմուպոլիսի քաղաքային խորհրդի ՝
Լեռնային Ղարաբաղում ռազմական գործողությունների վերաբերյալ
Սիրոս – Էրմուպոլիսի քաղաքային խորհուրդը դատապարտում է Ադրբեջանի անառարկելի հարձակումը Լեռնային Ղարաբաղի վրա, համերաշխ է հայ ժողովրդի հետ և հարգանքով կանգնած է փորձություններ ապրող հայ ժողովրդի կողքին:
Հունաստանի և Հայաստանի ժողովուրդների պատմական, բարեկամական կապերը փաստում են որ,
• Հույներն ու հայերը Բյուզանդական և Օսմանյան կայսրություններում գոյակցել են միասին,
Կարդացեք նաև
• Հունաստանն այն երկրների շարքում է, որոնք պաշտոնապես ճանաչել են 1915 թվականի Հայոց ցեղասպանությունը, իսկ Հայաստանի Հանրապետության Ազգային Ժողովը ճանաչել է Պոնտոսի հույների ցեղասպանությունը,
• Հունաստանը միջազգային կազմակերպությունների հետ համագործակցելով տրամադրել է Հայաստանին զարգացման և հումանիտար օգնություն, միաժամանակ աջակցություն է ցուցաբերել Հայաստանին եվրոպական ինստիտուտներին հետ մերձեցման հարցում,
• Հայաստանի անկախության հռչակումից ի վեր երկու երկրները համագործակցում են միջազգային կազմակերպությունների (ՄԱԿ, ԵԱՀԿ, ԵԽ, ՍSՏՀ) շրջանակներում, միաժամանակ սատարելով է Հայաստան – ԵՄ հարաբերությունների հետագա զարգացմանը:
Առանձնահատուկ են Սիրոս – Էրմուպոլիսի քաղաքապետարանի անկոտրում բարեկամական կապերը Լեռնային Ղարաբաղի հետ և արդեն իսկ 22 տարի է որ, դեռ առաջին` Վերին Սիրոսի քաղաքապետարանի ժամանակաշրջանից, համագործակցելով Հունաստանի ՀայԴատի Հանձնախմբի, Լեռնային Ղարաբաղի արտաքին գործերի և կրթության նախարարությունների, ինչպես նաև Սիրոսի քաղաքային մարմինների, ձեռնարկությունների և քաղաքացիների հետ միասին ցանկացած ամառ, հյուրընկալում էր Լեռնային Ղարաբաղից ծնողազուրկ երեխաներին, որոնց մեծ մասը Հայաստանի և Ադրբեջանի միջև հակամարտության հետևանքով որբացել էին:
Երեխաները մի քանի անհոգ օրեր էին անցկացնում մեր կղզում և ծանոթանում հունական մշակույթին:
Ելնելով վերոգրյալից, Սիրոս-Էրմուպոլիսի քաղաքային խորհուրդը
• դատապարտում է պետությունների և ժողովուրդների միջև վեճերը լուծելու համար բռնության կիրառման ցանկացած գործողություն և հայտնում խորին համոզմունք, որ ցանկացած ճգնաժամ հնարավոր է կարգավորել միայն երկխոսության միջոցով, միջազգային և խաղաղության համար նախատեսված նորմերի միջոցով՝ այլ ոչ թե զենքի սպառնալիքով,
• Չի ընդունում տարածաշրջանում լարվածությունը խաթարող երրորդ երկրի ցանկացած միջամտություն,
• Իր նվիրվածությունն է հայտնում բոլոր ժողովուրդների իրավունքների հարգանքին:
