Մոսկվան Թուրքիային կոչ է անում իր ողջ ազդեցությունն օգտագործել` ի շահ Լեռնային Ղարաբաղում հրադադարի հաստատման և հակամարտության կարգավորման հարցում բովանդակային բանակցությունների։ Այս մասին հայտարարել է ՌԴ արտգործնախարար Սերգեյ Լավրովը։
«Մեր թուրք գործընկերներին համոզում ենք օգտագործել իրենց ազդեցությունն այդ ուղղությամբ», – ասել է Լավրովը` Աթենքի և Մակեդոնիայի լրատվական գործակալությանը տված հարցազրույցում:
Նա նաև նշել է, որ Մոսկվան դեմ է Լեռնային Ղարաբաղի հակամարտության ռազմական լուծմանը և կոչ է անում բոլոր արտաքին խաղացողներին զերծ մնալ ռազմական սցենար զարգացնելուց։
«Մենք չենք թաքցնում, որ չենք սատարում այս խնդրի ռազմական լուծման հնարավորությունը։ Հայ և ադրբեջանցի ժողովուրդներին համարելով բարեկամ և եղբայրական՝ մենք չենք կարող կիսել նման նկրտումները», – ասել է Լավրովը։
Կարդացեք նաև
Պատրաստեց ՎԻԿՏՈՐՅԱ ԱՆԴՐԵԱՍՅԱՆԸ
