Գերմանիայի Մյունխեն քաղաքի կենտրոնում այսօր հայ համայնքի ներկայացուցիչները հերթական խաղաղ ցույցն իրականացրին՝ ուղղված Արցախի հանդեպ ադրբեջանաթուրքական ագրեսիայի դեմ:
«Այսօրվա հավաքը տարբերվում է նախորդներից, որովհետեւ տեղեկատվական բնույթ է կրում: Չորս «տեղեկատվական պատերի» վրա Գերմանիայի հասարակությանը տեղեկացնում ենք արցախյան հակամարտության մասին:
Մի պատը նվիրված է Արցախի անկախության գործընթացին, մյուսը՝ Ադրբեջանի կողմից մարդու իրավունքների խախտումներին եւ ռազմական հանցագործություններին, 3-րդը՝ Եվրոպայի, այդ թվում՝ Գերմանիայի լռության պատճառներին, 4-րդը՝ Արցախի անկախության ճանաչմանը»,-հայտարարեց ցույցի կազմակերպիչներից Բավարիայի «Հայ հայրենակցական միության» վարչության ներկայացուցիչ Արփի Մանիերոն:
Նա նշեց, որ հայերը ժամեր շարունակ մարդաշատ կենտրոնում շրջան կազմած՝ այս ամենը ներկայացնում ու պատմում էին անցորդներին:
Կարդացեք նաև
Լուիզա ՍՈՒՔԻԱՍՅԱՆ
