Արվեստաբան, ՀՀ մշակույթի վաստակավոր գործիչ Սերգեյ Առաքելյանն «Առավոտին» տրամադրեց բանաստեղծուհի Սիլվա Կապուտիկյանի անտիպ քառատողերից մեկը, որը մակագրված է. «Սիրելի Սերգեյին՝ տխուր օրերի տրամադրությամբ»։ Այն, ինչպես բանաստեղծուհին էր նշել նամակում՝ գրել է արցախյան լուրերը լսելիս։
Գրողը այն արվեստաբանին էր ուղարկել 09.08.1990թ., մերձմոսկովյան Պերեդելկինոյից, ուր գտնվում էր ԽՍՀՄ գրողների միության հրավերով։
Չեմ իմանում՝ էլ ո՞ւմ դիմեմ, ո՞ւր գնամ.
Կավատների՞, թե՞ սրբերի դուռ գնամ,
Գոռամ, վայեմ աշխարհի դեմ, Աստծո դեմ,
Թե՞ քարանամ ինքնավայել, լուռ գնամ…
Պատրաստեց Սանվել ԴԱՆԻԵԼՅԱՆԸ
«Առավոտ» օրաթերթ
23.10.2020
