«Կարծում եմ՝ իրավիճակը կանխատեսելի էր»,- «Մեդիա կենտրոնի» կազմակերպած քննարկման ընթացքում ասաց «Լինքս» ընկերության ղեկավար և commonspace.eu-ի գլխավոր խմբագիր Դենիս Սամութը։
Նրա խոսքով՝ անցած տարի հույս կար, քանի որ շփման գծում պայքարն այդքան էլ ակտիվ չէր, սակայն պայքարը դիվանագիտությունում և պրոպագանդայում շարունակում էր նույնքան ինտենսիվ մնալ:
Դենիս Սամութը կարծում է, որ Թուրքիայի ներգրավվածությունը նույնպես կանխատեսելի էր․ «Կարծում եմ՝ այս իրավիճակը սրվում է։ Չեմ կարծում, որ այս խնդիրը իրավիճակը շուտով կհեռանա, այն պետք է կառավարվի նույն կերպ, ինչ այլ գործոնները պետք է կառավարվեն։ Մենք չպետք է կրակենք սուրհանդակների վրա․ (ԵԱՀԿ խմբ.) Մինսկի խումբը, երեք համանախագահող երկրները, դիվանագետները երկար տարիներ անում էին առավելագույնը։ Բայց կարծում եմ՝ բանակցային լուծման ցանկությունը կար, բայց դա չէր աշխատում։ Մենք պետք է ընդունենք դա, որ չնայած Մինսկի գործընթացի և համանախագահող երկրների բարի կամքին, այն չի աշխատել»։
Ըստ նրա, պետք չէ մեղադրել ԵԱՀԿ Մինսկի խմբին․ նրանց մեղքով չի, որ գործընթացը առաջ չի գնացել, քանի որ նրանք ճիշտ ուղերձներ են հղել․ «Միևնույն ժամանակ, դա չի նշանակում, որ այն այսօր լավագույն մեխանիզմն է։ Կարող է եղել է 1992-ին կամ 1994-ին կամ նույնիսկ 2004-ին, բայց մենք այժմ շատ դժվար միջազգային աշխարհաքաղաքական կոնտեքստում ենք, և կարող է պետք է նոր իրականության գնահատել»։
Կարդացեք նաև
Ամի ՉԻՉԱԿՅԱՆ
