Մոսկվայում ակտիվ քննարկում են Լեռնային Ղարաբաղում իրավիճակի զարգացմանը Ռուսաստանի արձագանքի տարբերակները: Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ, պատգամավոր Կոնստանտին Զատուլինը նույնիսկ հնարավոր է համարել ԼՂՀ տարածքում ռուսական դեսանտային գործողության հնարավորությունը, չնայած միաժամանակ վստահ չէ, թե ինչպես պետք է գործի Մոսկվան այս հակամարտությունում: Միաժամանակ, պատգամավորն օգնության մի քանի տարբերակ է ենթադրում։
«Հայաստանում ռուսական ռազմական ներուժի ցուցադրական ուժեղացում։ Կամ դիմել ՀԱՊԿ-ին՝ ոչ թե Լեռնային Ղարաբաղի, այլ Հայաստանի տարածքը պաշտպանելու համար միջոցներ ձեռնարկելու անհրաժեշտությամբ։ Բացել օդային շրջափակումը: Անհրաժեշտության դեպքում Վրաստանին պետք է հստակ բացատրենք, որ պետք եղած դեպքում նա պետք է հանգիստ ընդունի, որ իր տարածքով ուժերն ու միջոցներ են Հայաստան ուղարկվելու։ Սա հարկադիր որոշում է, քանի որ մենք խոսում ենք Կովկասում զինյալների տարածման մասին, որոնցից կտուժեն Ռուսաստանը, Վրաստանը և մնացած բոլորը: Սպառնալիք կա հայ բնակչության մեծ զանգվածի համար, որը պատմականորեն հիշում է այդ տարածքում տեղի ունեցած ցեղասպանությունը: Մենք պետք է քայլեր ձեռնարկենք»,- ասել է Կոնստանտին Զատուլինը, որի խոսքով՝ Ադրբեջանն ու Թուրքիան խախտել են տարածաշրջանում խաղաղությունը` ռազմական ռևանշի հասնելու համար, ուստի նրանց պետք է հիշեցնել, թե որ պետությունն է հետխորհրդային տարածքի առաջատար երկիրը:
Պատգամավորը համաձայն է նաև Հայաստանի վարչապետ Նիկոլ Փաշինյանի այն տեսակետի հետ, որ Ադրբեջանի գործողությունների պատճառով հակամարտությունը դեռ չունի դիվանագիտական լուծում: Ինչպես նշել է պատգամավորը, բանակցային գործընթացն իրականում չի շարժվում՝ չնայած Ռուսաստանի բոլոր ջանքերին: Ադրբեջանական կողմը շարունակում է խաղալ հասարակության առջև. կողմ է բանակցություններին, բայց միևնույն ժամանակ շարունակում է իր հարձակումը և «կուլիսներում անընդունելի պահանջներ է առաջ քաշում»:
Պատրաստեց ՎԻԿՏՈՐՅԱ ԱՆԴՐԵԱՍՅԱՆԸ
Կարդացեք նաև
