Conflict Intelligence Team-ի հետաքննող փորձագետները հոկտեմբերի 21-ին հաստատել են ղարաբաղյան հակամարտության գոտում սիրիացի վարձկանների առկայության և Ադրբեջանի կողմից կռվելու փաստը՝ չնայած այն հանգամանքին, որ ադրբեջանական և թուրքական կողմերը պաշտոնապես հերքում են այդ տեղեկությունները։
Սոցցանցերում հայտնված տեսանյութերի հիման վրա CIT-ը պնդում է, որ սիրիացի վարձկանները ներգրավված են առնվազն ճակատի հարավային մասում, որտեղ վերջին օրերին ծանր մարտեր են ընթանում Հադրութ քաղաքի համար։ Որոշ տեսանյութերում նրանք ադրբեջանցի սահմանապահների համազգեստով են։
Տեսանյութերից մեկում ադրբեջանցի սահմանապահների համազգեստով սիրիացիները արաբերեն են խոսում Իրանի հետ Լեռնային Ղարաբաղի Հանրապետության սահմանային անցակետի նշանի մոտ։
Apparently Syrian National Army fighters (a Turkish-backed force) film themselves in Azeri uniform, near the Iranian border. The man says in Arabic “Armenians… God is great. Liberation,” then flashes the grey wolf sign used by the Turkish far-right. pic.twitter.com/oLRELa8ZVq
Կարդացեք նաև
— Elizabeth Tsurkov (@Elizrael) October 11, 2020
Կայքում տեղադրված է ևս մեկ տեսանյութ՝ Իրանի հետ սահմանից, որտեղ արաբերեն խոսող սիրիացին նկարահանել է զինամթերքով լի հայկական բլինդաժի գրավումը։
Video of a Syrian mercenary in Azerbaijan speaking about the heavy shelling carried out by Armenian forces. I reached his cousin. The fighter is Mustafa Qanti, 23-years-old. He was recruited to go to Libya by the Hamza Division, a Turkish-backed faction. pic.twitter.com/tHdzljm02X
— Elizabeth Tsurkov (@Elizrael) October 3, 2020
Կայքում զետեղված տեսանյութերից երրորդը ներկայացնում է արաբերեն խոսող մեկ ուրիշ վարձկանի, որը ցույց է տալիս գրաված հայկական դիրքը՝ սպանված զինվորներով։ Վարձկանը նշում է, որ ինքը Համզայի դիվիզիայից է։
CIT-ի տեղեկություններով՝ դեռևս օգոստոսի սկզբին Աֆրինում սկսել էին հայտնվել Ղարաբաղում կռվելու համար վարձկաններ հավաքագրող միջնորդներ։ The Guardian-ը հայտնում է, որ նրանց տեղափոխել են սեպտեմբերի 13-ին և 18-ին։ Իսկ սեպտեմբերի 23-ին SyriacPress ռեսուրսը հայտնել էր, որ թուրքամետ խմբավորումների՝ Ադրբեջան ուղևորվելու մասին։
Ի մի բերելով այս տեղեկությունները՝ CIT-ը եզրակացնում է, որ Ղարաբաղում ներկայիս ռազմական գործողությունները նախապես պլանավորվել են ադրբեջանա-թուրքական կողմը և ոչ թե հերթական պատահական սրացման հետևանքն է։
Պատրաստեց ՎԻԿՏՈՐՅԱ ԱՆԴՐԵԱՍՅԱՆԸ
