«Առ այսօր երեք համանախագահներից առավել ակտիվ են ՌԴ-ն ու Ֆրանսիան, որովհետեւ հրադադարի երկրորդ փորձն արդեն փորձում էր առաջ տանել Ֆրանսիան: Եվ հիմա ամերիկյան կողմի միանալը կարեւոր է»,-լրագրողների հետ զրույցում այսօր անդրադառնալով արցախյան ռազմաճակատում հրադադարի ռեժիմի պահպանման կարեւորությանը՝ ասաց ՀՀ ԱԳ փոխնախարար Շավարշ Քոչարյանը:
«Հիմա պետք է գիտակցենք, որ տվյալ պարագայում երեք համանախագահների օրակարգում էլ մեկ հարց է՝ հրադադարը ոչ միայն պետք է հայտարարվի, այլեւ պետք է պահպանվի: Պատահական չէ, որ ՄԱԿ-ի անվտանգության խորհրդի քննարկումը դրան էր նվիրված, որպեսզի երաշխավորված լինի: Այլ է խնդիրը, որ ներկա փուլում երեք համանախագահները մեկ մանդատ ունեն՝ նպաստել, որպեսզի կողմերը փոխզիջումների միջոցով հասնեն ընդհանուր հայտարարի: Երկրորդ մանդատը, որը կապված է համանախագահողերի՝ ՄԱԿ-ի անվտանգության խորհրդի մշտական անդամ լինելու հետ, այն է, որ թույլ չտան ռազմական գործողությունների վերսկսում: Վերսկսվեց 2016թ.-ին եւ հիմա: Սա իրենց համար ահազանգ է»,-նշեց նա:
Լրագրողները հետաքրքրվեցին, թե Մոսկվայում սպասվելիք Փաշինյան-Ալիեւ հնարավոր հանդիպման օրակարգն ինչ է ներառում: «Կոնկրետ չեմ տիրապետում, բայց ընդհանուր առմամբ այսօր օրակարգում մեկ խնդիր է դրված միջնորդների կողմից՝ հրադադարի պահպանում»,-պատասխանեց Շավարշ Քոչարյանը:
Կարդացեք նաև
Լուիզա ՍՈՒՔԻԱՍՅԱՆ
