Իրանն անթույլատրելի է համարում մարդկանց գլխատումները։ Այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն։
«Տագնապալի կադրեր են հրապարակվում Լեռնային Ղարաբաղում բախումներից։ Իրանը չի ընդունում թաքֆիրի ոճով (արմատական իսլամական գաղափարախոսություն, որի հետևորդները գլխատում են անհավատներին խմբ․) մարդկանց գլխատումները կամ քաղաքների և անմեղ մարդկանց վրա հարձակումները։ Կողմերը պետք է պահպանեն միջազգային իրավունքի նորմերը, դա շատ կարևոր է»,- գրել է Իրանի ԱԳՆ խոսնակը Թվիթերում։
Պատրաստեց Վիկտորյա ԱՆԴՐԵԱՍՅԱՆԸ
