ՀՅԴ Հայաստանի ԳՄ անդամ ԱՐԾՎԻԿ ՄԻՆԱՍՅԱՆԸ վստահեցնում է՝ մեկ տասնյակից ավելի կուսակցությունների հայտարարությունը՝ պատերազմական այս ծանր օրերին օպերատիվ շտաբ ստեղծելու և այդ մարմինը որոշումներ ընդունելու իրավասություններով օժտելու առաջարկով, սահմանադրական է ու նախատեսվում է օրենքով. «Ռազմական դրության իրավական ռեժիմի օրենքի 6-րդ հոդվածի «Զ» ենթակետն ուղղակիորեն նախատեսում է, որ կառավարությունը կարող է ստեղծել պետական հատուկ մարմին և սահմանել նրա լիազորությունները: Այս մարմինը որևէ պետական կառույցի փոխարինելու խնդիր չունի: Այն պետք է ունենա կոնկրետ լիազորություններ, ու, բնականաբար, պետք է գործի ըստ ստեղծված իրավիճակի:
Իսկ ստեղծված վիճակը, ինչպես բնութագրել են թե՛ ՀՀ վարչապետը, թե՛ Արցախի նախագահը, օրհասական է։ Մարմինը ձևավորելուց հետո անհրաժեշտ է հստակ դերաբաշխում իրականացնել, սահմանել գործառույթներն ու լիազորությունները, որպեսզի բոլոր այն անձինք, ովքեր անհրաժեշտ կարողություն, փորձառություն ու կապեր ունեն, արդյունավետ օգտագործվեն երկրի համար կարևորագույն այս շրջանում:
Ուզում եմ կոչով դիմել բոլոր նրանց, ում համար պահը չափազանց կարևոր է. սթափվեք և գիտակցեք, որ սա ոչ թե իշխանության փոփոխության, այլ երկիրը պաշտպանելու, պետականությունը փրկելու խնդիր է»:
Սեւակ ՎԱՐԴՈՒՄՅԱՆ
Կարդացեք նաև
Հոդվածն ամբողջությամբ՝ «Իրատես» թերթի այսօրվա համարում
